Namanganda qazba jumystary kezinde múıiztumsyq tárizdes janýardyń bas súıegi tabyldy
ASTANA. Aqpannyń 19-y. QazAqparat - Ózbekstannyń Namangan qalasyndaǵy alańdardyń birin qaıta jańartý kezinde on metrlik tereńdikten qurylysshylar, súıegi áldeqashan jer qoınyna ketken, belgisiz janýardyń bas súıegin tapty,
dep habarlaıdy QazAqparat RIA «Novostı» agenttigine silteme jasap.
Keıinnen mamandar bas súıek ejelgi zaman janýary - ındrıkoterııaǵa (ǵylymı ataýy - Indricotherium) jatatynyn anyqtady. «Onyń boıy bes metrge, uzyndyǵy segiz metrge jetken. Bul janýardyń qańqalary buryndary Ońtústik Qazaqstanda jáne Aral teńiziniń aýmaǵynda tabylǵan», - dedi agenttiktiń suhbattasýshysy.
Indrıkoterııa - joıylyp ketken alyp sútqorektilerdiń tobyna jatatyn qazirgi múıiztumsyqtar tuqymdasy. Olar budan 20-30 mıllıon jyl buryn Eýrazııada tirshilik etken. Indrıkoterııa degen ataý «ındrık» degen - slavıandardyń mıfologııasyndaǵy ertegi haıýanatty bildiretin sózden týyndaǵan.
Indrıkoterııanyń qańqalary Qazaqstanda, Mońǵolııada jáne Qytaıda jıi kezdesedi.
