Nálibaev synynan keıin ne ózgerdi — Kólik mınıstri jaýap berdi
ASTANA. KAZINFORM — Kólik mınıstri Nurlan Saýranbaev vokzaldardy jańǵyrtý jumystarynyń qarqynyn baıandady jáne Premer-mınıstrdiń birinshi orynbasary aıtqan syn-eskertpelerge pikir bildirdi.
Keshe Premer-mınıstrdiń birinshi orynbasary Nurlybek Nálibaev Almaty qalasyna saparlap, Almaty áýejaıy men vokzalyn jańǵyrtý jumystaryn synǵa alǵan edi. Úkimet tilshileri salaǵa jaýapty Kólik mınıstrinen máseleniń mán-jaıyn surady.
Mınıstrdiń aıtýynsha, 124 vokzal jańǵyrtý jumystarynan ótip jatyr. Onyń ishinde 30-dan astam vokzal jańǵyrtýǵa jaramsyz bolyp, tolyq qıratyldy. ıAǵnı, bul nysandar qaıta salynyp jatyr.
— Qazirgi ýaqytta 46 vokzal paıdalanýǵa berýge daıyn. Jazdyń sońyna deıin bul kórsetkishti 109 vokzalǵa jetkizýimiz kerek. Qalǵan vokzaldardyń keıbiri aýqymdy jańǵyrtýdy talap etedi ári tarıhı-mádenı mura nysandaryna jatady. Sondyqtan ol jerlerde jumys tásili men merdiger kompanııalardy tańdaý qıynyraq. Nurlybek Mashbekuly jumys qarqynynyń baıaý ekenin aıtyp, tezdetýdi tapsyrdy. Onyń tapsyrmasyna sáıkes, negizgi nysandardy paıdalanýǵa berý merzimin 1 shildege aýystyrdyq. Al kúrdeli nysandardy 1 tamyzǵa deıin aıaqtaý josparlanyp otyr, — dep jaýap berdi Nurlan Saýranbaev.
Eń basty másele — qosymsha qurylys uıymdaryn jumyldyrýǵa baılanysty qarjylandyrý.
— Osy baǵyt boıynsha Nurlybek Nálibaev óńir ákimderine naqty tapsyrmalar berdi. Óıtkeni nysandardy jańǵyrtý úshin QTJ-men kelisimshart jasasýǵa qurylys kompanııalaryn dál óńir ákimderi usynǵan bolatyn, — dedi N. Saýranbaev.
Aıta keteıik, vokzaldardy jańǵyrtýdaǵy ákimshilik kedergilerdi joıatyn shtab quryldy.
