Nalchıkte kontrterrorıstik operatsııa rejımi engizildi

NALЬChIK. QazAqparat – Nalchık qalasy okrýginiń aýmaǵynda kontrterrorıstik operatsııa rejımi (KTO) engizildi. Bul týraly tilshilerge Kabardın-Balqar jedel shtabynan málim etti, dep habarlaıdy QazAqparat TASS agenttigine silteme jasap.

«Federaldyq zańnyń № 35-FZ 2006 jylǵy 6 naýryzdaǵy «Lańkesttikke qarsylyq týraly» talaptaryn basshylyqqa ala otyryp, lańkestik aktiniń jolyn boldyrmaý jáne ony ashý, saldaryn azaıtý jáne tulǵa, qoǵam jáne memlekettiń ómirlik mańyzdy múddelerin qorǵaý maqsatynda Reseı Federatsııasy Kabardın-Balqar Respýblıkasy boıynsha Federaldyq qaýipsizdik qyzmeti basqarmasynyń bastyǵy, general-maıor S.V.Voronın 2021 jylǵy 3 shilde kúngi saǵat 03:15-ten bastap Nalchık qalalyq okrýginiń Bıttırov, Kanýkoev, Tsentralnaıa, Jabelo kóshelerimen shekteletin baqsha ýchaskeleri aýdanynda kontrterrorıstik operatsııanyń quqyqtyq rejımin engizý sheshimin qabyldady», - delingen habarlamada.

Saǵat 2021 jylǵy 3 shildedegi saǵat 05:20-dan bastap kontrterrorıstik operatsııanyń quqyqtyq rejımi sondaı-aq kelesi shekaralarda engiziledi: Baksan qalalyq okrýginiń shyǵys tóńiregi (Konechnaıa kóshesi) - A-158 kúre joly (Prohladnyı - Baksan) – Baksanenok aýyldyq mekenniń batys tóńiregi (Promyshlennaıa kóshesi) – Baksan ózeniniń alqaby.

Jedel shtab málimetinshe, KTO rejımi kezeńinde atalǵan aýmaqta erekshe buıryq berilmegenshe birqatar sharalar men ýaqytsha shekteýler engiziledi: jeke tulǵalardyń qujattary tekserilip, qoǵamdyq tártipti qorǵaý kúsheıtiledi, telefon áńgimeleri qadaǵalanady, al qajet bolǵan jaǵdaıda KTO rejımi engizilgen aýmaqta turyp jatqan jeke tulǵalar ýaqytsha kóshiriledi.