Naqtylanǵan málimetter boıynsha, Domodedovo áýejaıyna Tý-204 ushaǵynyń apatty jaǵdaıda qonýynan 7 adam zardap shekken
ASTANA. Naýryzdyń 22-si. QazAqparat - Naqtylanǵan málimetter boıynsha, Domodedovo áýejaıyna Tý-24 ushaǵynyń apatty jaǵdaıda qonýy saldarynan 7 adam zardap shekken, onyń ekeýi aýyr jaǵdaıda.
Bul týraly Reseı Tótenshe jaǵdaılar mınıstrliginiń Ortalyq aımaqtyq ortalyǵynyń baspasóz qyzmetinen habarlady.
Búgin túnde máskeý ýaqyty boıynsha saǵat 2:35-te Hýrgadtan (Mysyr) Máskeýge ushyp kelgen «Avıastar-Tý» kompanııasynyń Tý-204 ushaǵy Domodedovo áýejaıyna jaqyndap qalǵan kezde, bıiktigin joǵaltyp, ushý-qoný alańyna 1 shaqyrymdaı jer jetpeı apatty jaǵdaıda qonýǵa májbúr boldy. Ushaq bortynda jolaýshylar bolmaǵan. «Reseıǵarysh» agenttiginiń málimetteri boıynsha, ekıpaj quramynda 8 adam bolǵan, bári aman. Jerde de eshqandaı qıraýlar bolmaǵan.
Ushaq kúrdeli meteojaǵdaıǵa qonǵan. Qoný barysy shtattyq jaǵdaıda oryndalǵan, ekıpaj ben dıspetcherler radıobaılanysta bolǵan. Ushý-qoný alańyna 1 shaqyrymdaı qalǵan kezde, kenetten ushaq lokator ekranynan joǵalyp ketken. Dereý uıymdastyrylǵan izdeý sharalarynyń barysynda ol tabyldy.
Oqıǵanyń mán-jaıyn tekserý úshin arnaıy komıssııa quryldy.
