Naqty jumys isteıtin jeke kásipkerler sany bir jylda 26% artty

ASTANA. QazAqparat – 1 qarashadaǵy jaǵdaı boıynsha elimizde 1,5 mln jeke kásipkerlik nysany tirkelgen. Bul byltyrǵydan 20,4% kóp, dep habarlaıdy QazAqparat «Ranking.kz» resýrsyna silteme jasap.

Atalǵan 1,5 mln jeke kásipkerliktiń 92,2% nemese 1,4 mln sýbekt naqty jumys istep tur. Bir jyldaǵy ósim — 25,6%.

«Naqty jumys istep júrgen jeke kásipkerlerdiń kóbi Almatyda shoǵyrlanǵan – 184,3 myń sýbekt. Alǵashqy úshtikke Túrkistan oblysy (163,7 myń sýbekt) men Astana qalasy (130,6 myń sýbekt) kirdi», - dep jazady Ranking.kz.

Al Ulytaý, Soltústik Qazaqstan jáne Pavlodar oblystarynda tirkelgen jeke kásipkerlerdiń sany ózge óńirlerden áldeqaıda tómen.

«Jumys istep turǵan jeke kásipkerlik nysannyń úshten birinen astamy saýda men avtomobıl jóndeý naryǵynda shoǵyrlanǵan – 505,3 myń nysan. Jyldyq ósim – 40,6%. Al jumyspen qamtý kórsetkishi boıynsha aýyl sharýashylyǵy, orman jáne balyq sharýashylyǵy (245,2 myń, +0,9%) jáne jyljymaıtyn múlikpen baılanysty operatsııalar (72,5 myń, +11,6%) naryǵynda joǵary», - dep jazylǵan saraptamada.