Naqty sektorǵa bólinetin qarjy 10 trıllıon teńgege deıin jetýi tıis – Prezıdent

BÝRABAI. KAZINFORM – Bıyl ekonomıkanyń naqty sektoryna jumsalatyn qarjy kólemi, 8 trıllıon teńgege deıin jetkiziledi. Bul týraly Ulttyq quryltaıdyń IV otyrysynda Memleket basshysy Qasym-Jomart Toqaev aıtty.

- Biz Ulttyq quryltaıdyń otyrystarynda únemi áleýmettik jáne mádenı-gýmanıtarlyq máselelerge qatysty mańyzdy sheshimder qabyldap qana qoımaı, el damýynyń basqa da baǵyttary boıynsha basty basymdyqtardy aıqyndaımyz. Aımaqtardaǵy ekonomıkanyń órkendeýine serpin beretin jańa múmkindikterge jol ashý jáne óńirlerdiń damý deńgeıindegi teńsizdikti joıý – qazir memleket aldynda turǵan negizgi mindettiń biri, - dedi Prezıdent.

Memleket basshysynyń atap ótýinshe, bıyl ekonomıkanyń naqty sektoryna jumsalatyn qarjy kólemin eki esege jýyq kóbeıtip, 8 trıllıon teńgege deıin jetkizý josparlanyp otyr.

- Aldaǵy jyldary Úkimet naqty sektorǵa bólinetin qarjy kólemin 10 trıllıon teńgege deıin jetkizýge tıis. Bul jerde bıznesti qoldaýdyń elimizde buryn-sońdy bolmaǵan aýqymdy sharalary týraly aıtylyp otyr, - dedi Qasym-Jomart Toqaev.

Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.