Naǵyz patrıot bolsań, halqyńnyń kemshiligin de aıta júr - QR Prezıdenti
ASTANA. QazAqparat - Qazaqstan telearnalaryna bergen suhbatynda Memleket basshysy Nursultan Nazarbaev uly Abaıdy mysalǵa ala otyryp, patrıot bolý - elińdi maqtaý ǵana emes, onyń kemshiligin kórip, ony túzetýge talpyný ekenin atap ótti.
"Óz halqyńdy shynymen jaqsy kórseń, halqyńnyń naǵyz patrıoty bolsań, onda halqyńnyń kemshiliginde aıta júrý kerek. Uly Abaıdyń aıtyp ketkenderin bilemiz ǵoı. Aramyzda "Abaı qazaqtyń jaman jerin aıtqan" dep synaıtyndar da tabylady. Pýshkın de, Nekrasov da,Tolstoı da óz halqynyń minin aıtqan jazýshylar. Shynymen de halqyn jaqsy kóretin adam ulttyń jaman jaǵyn aıtyp, sony jaqsartýǵa jumys isteýi kerek", - dep atap ótti Elbasy. Esterińizge sala keteıik, Memleket basshysy bul suhbatynda Qazaqstannyń ishki-syrtqy saıasatyna qatysty salmaqty oılaryn bildirip, ərbir suraqtyń jaýabyn alystan tarqata, əńgimelep berdi. Suhbatty Erlan Igisinov pen Beısen Quranbek júrgizdi.
