«Naǵyz Kóshbasshy qazirgi Prezıdent - Nursultan Nazarbaev» - respýblıkalyq basylymdarǵa sholý
***
Kúni keshe elimizde ótken kezekten tys prezıdenttik saılaýda aıqyn jeńiske jetken Elbasy Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanysty quttyqtaýlar kelip túsýde. Solardyń birparasy búgin el gazeti «Egemen Qazaqstanda» «Yqylasty quttyqtaýlar, izgi tilekter» degen taqyryppen berilgen. Máselen, Úndistan Respýblıkasynyń Premer-mınıstri Manmohan Sıngh óz quttyqaýynda: «Sizdiń kóregen basshylyǵyńyz Qazaqstanǵa órkendeý men beıbitshilik alyp keldi. Sizdiń qaıta saılanýyńyz Qazaqstan halqynyń senimin bildirý bolyp tabylady. Sizge aldaǵy jyldary da tabystar tileımin», - dep aǵynan jarylǵan. Al Túrik Respýblıkasynyń Prezıdenti Abdýlla Gúldiń quttyqtaý mátininde bylaı delingen: «Joǵary mártebeli Nursultan Ábishuly, Saılaý tynysh jáne erkin jaǵdaıda ótti. Men buǵan óte qýanyshtymyn. Qazaqstan halqy eń laýazymdy qyzmetke Sizdi saılaý arqyly Sizge degen senimin taǵy da qýattady».
Osy basylymda Qazaqstannyń ǵylymı qaýymdastyǵynyń prezıdenttik saılaý qorytyndylaryn qoldaǵan málimdemesi jarııalandy. Onda: «Qazaqstan Respýblıkasy Prezıdentiniń bolyp ótken saılaýy adamdardyń Qazaqstan Respýblıkasynyń Tuńǵysh Prezıdenti N.Á.Nazarbaevtyń tulǵasyna degen qurmeti men seniminiń taǵy bir kezekti aıǵaǵyna aınaldy. Qazaqstannyń tabystary Memleket basshysynyń esimimen tyǵyz baılanysty. Onyń strategııalyq boljamynyń, syndarly da oılastyrylǵan saıasatynyń arqasynda 20 jyl ishinde kóptegen kórsetkishter boıynsha Ortalyq Azııada kósh bastaǵan jańa, ekonomıkalyq damyǵan memleket quryldy», - delingen.
***
«Aıqyn» gazetiniń «Minber» aıdarynda TMD atqarý komıtetiniń tóraǵasy - atqarýshy hatshysy, TMD baıqaýshylar mıssııasynyń basshysy Sergeı Lebedevpen aradaǵy suhbat «Naǵyz Kóshbasshy qazirgi Prezıdent - Nursultan Nazarbaev» degen taqyryppen berilgen. Basylymnyń barlyq saýaldaryna egjeı-tegjeıli jaýap bergen ol: «Bizdi, Qazaqstannyń dostaryn saılaýdyń birqalypty, sabyrly ótkeni qýantady. Uıymdastyrýshylar, shynymen-aq, saılaýdy merekege aınaldyrǵan eken. Biz saılaý ýchaskelerinde saılaý barysynda nemese saılaý sońynda qandaı da bir dúrdarazdyq bop jatqanyn baıqaǵan joqpyz. Mundaı keleńsizdikti bizdiń baıqaýshylar da, Batys baıqaýshylary da tirkegen joq. Bul saılaýdyń jaqsy uıymdastyrylǵanyn baıqatady», - deıdi.
Endi birer jyldan keıin transplantatsııalyq ota jasatý úshin shekara asýdyń qajeti bolmaı qalady. Óıtkeni ondaı otalardy otandyq dárigerlerdiń ózi jasaı bastamaq. Osy maqsatta «Ulttyq medıtsınalyq holdıng» AQ shetel medıtsınasyndaǵy úzdik mamandardyń sheberlik sabaqtaryn ótkizýdi dástúrge aınaldyrypty. Kúni keshe ǵana Frankfýrt gospıtaliniń bir top dárigerleri holdıng dárigerlerine arqa maıyna ortopedııalyq ota jasaýdyń zamanaýı túri jóninde sheberlik sabaǵyn ótkizdi. Bul jaıynda tereńirek bilgińiz kelse, «Aıqyn» gazetiniń sársenbilik sanyndaǵy «Otanyń bári Otanymyzda jasalady» degen maqalaǵa nazar salyńyz.
***
«Qazaqstan Respýblıkasy Prezıdentiniń kezekten tys saılaýynda qazirgi Memleket basshysy Nursultan Nazarbaev saılaýshylardyń 95,55 paıyz daýysyn jınap, aıqyn basymdyqpen jeńiske jetti. Keshe Ortalyq saılaý komıssııasynyń otyrysynda Nursultan Nazarbaevty Qazaqstan Respýblıkasynyń saılanǵan Prezıdenti dep taný týraly qaýly qabyldandy», - dep jazady «Alash aınasy» gazeti. Basylymnyń atap ótýinshe, tizimge engizilgen 9 mıllıon 200 myń 298 saılaýshynyń 8 mıllıon 279 myń 676-y óz tańdaýyn jasaǵan. Osy daýystardyń qaı kandıdatqa qansha berilgendigin bilgińiz kelse, «N.Nazarbaevty saılanǵan Prezıdent dep taný týraly qaýly qabyldandy» degen maqalaǵa kóz júgirtińiz.
«Qazgıdromet» -boljamyńdy týra et...». «Alash aınasy» gazetiniń jazýynsha, kúnine myń qubylatyn aýa raıyn dál boljap, naqty kórsetkishter shyǵarý - búgingi kúnge aýadaı qajet qyzmetterdiń biri. Sebebi, naqty boljamdardyń bolmaýy kesirinen shyǵynǵa belshesinen batqan memleketterdi bilemiz. Al jańa jabdyqpen jaraqtalǵan gıdromet ortalyqtarynyń jóni basqa. «Keshe «Qazgıdromet» ortalyǵy jańǵyrýdyń bir baspaldaǵyn sekirdi desek te bolady. Qazaqstandaǵy BUU-nyń damý baǵdarlamasy atalmysh ortalyqqa aýa raıynyń ózgerýin boljaý jáne úlgileýge arnalǵan jańa jabdyqty tabys etti», - dep jazady basylym.
***
«Kazahstanskaıa pravda» gazetiniń jazýynsha, Qazaqstan Prezıdenti Nursultan Nazarbaev Ýkraına Prezıdenti Vıktor ıAnýkovıchpen telefon arqyly sóılesti. Áńgimelesý barysynda Vıktor ıAnýkovıch Nursultan Nazarbaevty prezıdenttik saılaýdaǵy senimdi jeńisimen quttyqtady. Memleket basshysy Ýkraına Prezıdentine quttyqtaýy men shyn nıetti tilegi úshin razylyǵyn bildirdi.
