Naǵyz kásipkerler men alypsatarlardyń aıyrmashylyǵy kórindi – mınıstr
«Keshe Elbasy sheshimimen QR Tuńǵysh Prezıdenti qory koronavırýspen kúreske 200 mln teńge bóldi. Bul ǵıbratty biraz adamnyń jalǵastyraryna senimdimin. Buǵan deıin BI Group kompanııasy dárigerler men medıtsınalyq qyzmetkerlerge 100 mln teńge bólgen edi. Kaspi Bank, Halyq bank, Qazaqtelekom syndy kompanııalar koronavırýs ınfektsııasymen jáne onyń saldarymen kúresýge kómektesip jatyr», - dedi mınıstr «Habar» telearnasyndaǵy «Ashyq dıalog» baǵdarlamasynda.
Vedomstvo basshysy osyndaı mysaldardyń, qýanyshqa oraı, kóp ekenin atap ótti.
«Bul qadamdar bizdiń kóptegen kásipkerlerimizdiń oqıǵaǵa nemquraıly qaramaıtynyn kórsetedi. Buǵan deıin taýar baǵasyn qymbattatyp jibergen alypsatarlar týraly aıtyp edim, dál osyndaı ýaqytta naǵyz bıznesmen-kásipkerler men alypsatarlardyń ara-jigi aıqyn kórinedi», - dedi Dáýren Abaev.
