Nadejda Rıabets Azııa chempıonatynda altynǵa talasady

ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda 6 sáýirde  Nadejda Rıabets (80 keli) fınalǵa shyqty.

Nadejda Rıabets 2000 jyly 14 qyrkúıekte Soltústik Qazaqstan oblysynda dúnıege kelgen. 2023 jyly álem chempıonatynyń qola júldeger boldy. Onyń qarsylasy — Pýja Ranı álim chempıonatynda úzdik úshtikten kóringen.

Qos sportshy da aıqas barysynda aıtarlyqtaı basymdyqqa ıe bola almady. Kezdesýdiń taǵdyry sheshýshi 3-raýndta sheshilip, tóreshiler 3:1 esebimen jeńisti Nadejdaǵa berdi.

Aıta ketsek, budan buryn el quramasynan Baqyt Seıdish (70 keli) fınalǵa joldama alsa, Valentına Halzova (70 keli), Mahmud Sabyrhan (55 keli) qola júldeger atandy.

Endi el quramasynan tórt sportshy sharshy alańǵa shyǵady. Aldymen Dına Islambekova (80 keliden joǵary) ózbekstandyq Oltınoı Sotımboevamen sharshy alańǵa shyqsa, odan keıin Ertýǵan Zeınýllınov (65 keli) taılandtyq Býndjong Sınsırımen qolǵap túıistiredi.

Búgingi jarys kúninde sońǵy jekpe-jekti Tórehan Sabyrhan (70 keli) qytaılyq Peıchen Vanǵa qarsy ótkizedi.

Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) jartylaı fınal joldamasyn sarapqa salady.

Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.