Nadejda Rıabets 2026 jylǵy Azııa chempıonatynyń fınalynda Ózbekstan boksshysyn jeńdi
ASTANA. KAZINFORM – Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin fınalda el quramasynan Nadejda Rıabets (80 keli) qarsylasynan basym túsip, chempıon atandy.
Otandasymyz ózbekstandyq Rýhshona Parpıevamen qolǵap túıistirdi.
Qazaqstandyq boksshynyń basymdyǵy alǵashqy raýndtan bilinip, sheberlik jaǵynan aıqyn basym boldy. Nátıjesinde tóreshiler jeńisti biraýyzdan Nadejdaǵa berdi.
Nadejda Rıabets 2000 jyly 14 qyrkúıekte Soltústik Qazaqstan oblysynda dúnıege kelgen. 2023 jyly álem chempıonatynyń qola júldeger boldy.
Endi el quramasynan 10-jupta Dına Islambekova (80 keliden joǵary) úndistandyq Alfııa Pazanmen sharshy alańǵa shyǵady.
Aıta ketsek, budan buryn Baqyt Seıdish (70 keli) úndistandyq Arýndhatı Choýdharıge ese jiberdi.
Qurlyqtyq dodada 10 sáýirde qazaqstandyq bes boksshy altyn medaldy sarapqa salady. Olardyń qatarynda erlerde Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Aıbek Oralbaı (90 keliden joǵary) bar.
Búgin qazaqstandyq úsh boksshy sharshy alańǵa shyǵady. El quramasy fınalǵa shyqqan sportshylar sany jóninen jalpy esepte Úndistanmen alǵashqy eki oryndy ózara bólisip tur.
Sondaı-aq Azııa chempıonatynda Ózbekstan - 7, Soltústik Koreıa men Qytaı - 3, Taıpeı, Mońǵolııa, Taıland, Iordanııa, Japonııa - 2, Tájikstan 1 úzdigine úmit artady.
Buǵan deıin Azııa chempıonaty fınalyna qaı elden qansha boksshy shyqqanyn jazǵanbyz.
Azııa chempıonatynyń fınaly 9-10 sáýir kúnderine belgilengen.
