Nadejda Nogaı aýyr atletıkadan 20 jasqa deıingi sportshylar arasynda Álem chempıony atandy
ALMATY. 7 shilde. QazAqparat /Erlik Erjanuly/ - Búgin Malaızııanyń Penang qalasynda aýyr atletıkadan 20 jasqa deıingi sportshylar arasynda Álem chempıonatynyń aqtyq syndary ótedi.
Jarysta el qorjynyna alǵashqy altyndy keshe qyzdar arasynda 75 kelige deıingi salmaqta baq synaǵan Nadejda Nogaı saldy. Ol serpe kóterýde 111 keli, julqa kóterýde 148 keli kóterdi. Al taılandtyq Chıtchnok Pýlsabsakýl serpe kóterýde 123 keli, julqa kóterýde 147 keli kótergen edi. Ekeýi de jalpy esepte 270 kelini kótergenmen, qarsylasynan salmaǵy jeńil bolǵandyqtan qazaqstandyq Álem chempıony atandy. 15 jastaǵy Nadejda buǵan deıin mamyr aıynda Perýde 17 jasqa deıingi aýyr atletter arasynda da Álem chempıonatynyń chempıony atanǵan bolatyn. Onda Almaty oblysynyń Úshtóbe qalasynda ómirge kelgen N.Nogaı julqa jáne serpe kóterý men jalpy esepte de Álem rekordtaryn jańartqan bolatyn.
Jalpy 20 jasqa deıingi jastar arasyndaǵy bul dúbirli doda 26-maýsym kúni óz jalaýyn kótergen bolatyn. Onda el qorjynyna alǵashqy medaldi de qyzdar salǵan bolatyn. Atap aıtqanda 63 kelige deıingi salmaqta baq synaǵan Karına Gorıcheva Álem chempıonatynyń kúmis júldegeri atandy.
