Nadejda Morozova konkımen júgirýden Germanııadaǵy Álem kýbogy kezeńinde úzdik bestikke endi

ASTANA. KAZINFORM - Konkımen júgirýden Qazaqstan quramasynyń ókili Nadejda Morozova Germanııanyń Intsell qalasynda ótip jatqan Álem kýbogy kezeńinde úzdik bestikke endi, dep habarlaıdy olympic.kz.

Otandasymyz 3000 metr qashyqtyqta júldege bir qadam jetpeı qaldy. Morozova 4:09,19 sekýndta márege jetip, tórtinshi oryndy ıelendi.

Norvegııalyq Ragne Vıklýnd 3:54,74 sekýnd ýaqyt kórsetkishimen jeńiske jetti. Kúmis júldeni Nıderland sportshysy Djoı Bıýn (3:56.96) enshilese, qola medal kanadalyq Valerı Malteǵa (3:59.92) buıyrdy.

Aıta keteıik, buǵan deıin Intselldegi jarysta 500 metr qashyqtyqta qazaqstandyq Evgenıı Koshkın de tórtinshi oryn alǵan bolatyn.

Osyǵan deıin konkımen júgirýden qysqy Olımpıadaǵa Qazaqstan quramasynan kimder qatysatyny týraly jazdyq.