Nadejda Morozova álem chempıonatynda úzdik ondyqqa endi

ASTANA. KAZINFORM – Nıderlandtyń Herenven qalasynda konkımen júgirýden klassıkalyq kópsaıys boıynsha álem chempıonaty aıaqtaldy.

Bul dıstsıplınada Qazaqstan quramasy sapynan Nadejda Morozova óner kórsetti.

QR UOK málimetinshe, otandasymyz 500 metr qashyqtyqta úshinshi boldy. Odan keıin 3000 metrde onynshy bolyp márege jetti.

1500 metrde Morozova altynshy oryn alyp, 24 qatysýshynyń ishinen úzdik segizdikke endi. Osylaısha ol 5000 metr qashyqtyqta jarysýǵa múmkindik aldy.

5000 metrde Morozova jetinshi orynǵa turaqtady. Nátıjesinde ol álem chempıonatyn da jetinshi orynmen aıaqtady (160.435 upaı).

Altyn medaldi norvegııalyq Ragne Vıklýnd (157.457) jeńip aldy. Nıderland sportshysy Mareıke Grýnevaýd ekinshi orynǵa ıe boldy (158.086). Japonııalyq Mıho Takagı úzdik úshtikti túıindedi.

Aıta keteıik, kópsaıysta eń az upaı jınaǵan sportshy jeńimpaz atanady.

Budan buryn Qysqy Paralımpıada oıyndarynda Aleksandr Gerlıts para bıatlonnan 12,5 km qashyqtyqty 31 mınýt 55 sekýnd ýaqyt aralyǵynda baǵyndyryp, máre syzyǵyn toǵyzynshy bolyp keskenin jazǵan edik.