N.Júnisbaevtyń jańa kitabyna tapsyrys ınternet arqyly qabyldanady
ASTANA. QazAqparat - Astana qalasynda belgili sport jýrnalısi Nesip Júnisbaevtyń jańa eńbegi - «Zolotoı olımpııskıı marshrýt» kitabynyń tusaýkeser rásimi ótti.
Kitap Qazaqstan sportshylarynyń 2012 jyly Londonda ótken HHH jazǵy Olımpıada oıyndaryndaǵy tolaǵaı tabysy týraly. Sondaı-aq, onda «Sochı-2014» qysqy Olımpıada oıyndary jaıynda málimetter qamtylǵan. Týyndy kórkem bezendirilgen: 1000-ǵa jýyq fotosýret basylyp shyqty. Bul - avtordyń Olımpıada oıyndary týrasyndaǵy kitaptar toptamasynyń jalǵasy jáne osymen tórtinshisi.
Tusaýkeser rásimine Serik Sápıev, Danııar Eleýsinov jáne Іlııas Súleımenov syndy tanymal sportshylar qatysty.
«Bul kitaptardy men 90-shy jyldardyń sońynda Barselona, Nagano jáne Atlanta Olımpıadalarynan keıin jaza bastadym. Kitabym orys tilinde jazylǵanymen, bunyń ishindegisiniń barlyǵy qazaqsha, armany da, oıy da, tilegi de qazaqsha», - deıdi avtor.
Kitap 7500 danamen jaryqqa shyǵyp otyr jáne dúkenderde satylmaıdy. Oqyrman qaýym kitapqa ınternet arqyly ǵana tapsyrys bere alady.
