Nıý-Iorktyń eń iri áýejaıynda reısterge shekteý qoıylyp jatyr
ASTANA. QazAqparat - Nıý-Iorktegi Djon Kennedı áýejaıynyń dıspetcherleri áýe aılaǵyna keletin ushaqtarǵa shekteý qoıyp jatyr. Sebebi 4 qańtarda jaýǵan qalyń qardan áýejaıdaǵy jumys toqtap, jolaýshylar men ushaqtarǵa qyzmet kórsetý múmkindigi shektelgen bolatyn, dep habarlaıdy «QazAqparat» HAA TASS-qa silteme jasap.
«Áýejaıǵa keletin resısterdiń sanyn shekteý úshin Nıý-Iork jáne Nıý-Djersı shtattarynyń áýe jáne teńiz porty basqarmasy AQSh Federaldyq avıatsııalyq basqarmasymen birlese jumys isteýde. Bul shara qajetti sektsııalar tolyq ashylǵansha jalǵasady», dep jazdy Nıý-Iork shtatynyń ákimshiligi ózderiniń Twitter paraqshasyna.
AQSh Ulttyq meteorologııalyq qyzmeti habarlaǵandaı, áýejaı aımaǵynda aýa temperatýrasy mınýs 13 gradýsqa deıin tómendegen. Senbi kúni áýejaıda 78 reıs toqtatylyp, 375 reıs keıinge qaldyryldy.
