Nıý-Iorktiń Times Square alańynda Imanbek-tiń sýreti jarııalandy
Jerlesimiz, «Gremmı» syılyǵynyń ıegeri Imanbek Times Square alańyndaǵy ekranda jańa týyndysyn jarnalap tur. Ol amerıkalyq ánshi Denıel Trevormen dýet qurǵan.
Sondaı-aq, dıdjeı Instagram paraqshasynda alǵys aıtyp, jańa sıngldy tyńdaýǵa shaqyrdy.
Imanbektiń áleýmettik jelidegi jazbasynyń astyna qoldanýshylar «Tek qana sáttilik tileımin. Aman bol!», «Til kózden saqtasyn», «Alǵa Imanbek, alǵa Qazaqstan», «Bizdiń maqtanshymyz», «Jaraısyń» degen sekildi jyly lebizderin qaldyrǵan.
Eske salaıyq, 2021 jyly qazaqstandyq mýzykant Imanbek SAINt JHN atty ánshiniń «Roses» ánine jazylǵan remıksi Grammy syılyǵyn jeńip aldy.
Al byltyr Imanbek-tiń týyndysy 1 mlrd márte tyńdalǵany úshin Spotify syılyǵyn jeńip alǵan bolatyn.
Odan bólek, Imanbek GQ jýrnalynyń «Jyl jańalyǵy» atalymyn jeńip alǵan edi.
