Nıý-Iorktiń Taım-skverinde ótetin jańajyldyq keshti 1 mln adam tamashalaıdy
ASTANA. QazAqparat - Nıý-Iorktiń Taım-skverinde ótetin jańajyldyq keshtiń sońǵy daıyndyqtary pysyqtaldy, dep habarlaıdy «Habar 24».
Uıymdastyrýshylar keshtiń basty sımvoly - alyp shardy tekserýden ótkizdi. Ǵımarattyń ushar basyndaǵy merekelik shardy túngi saǵat 12-de tómen túsirý Nıý-Iorktiń jańajyldyq dástúrine aınalǵan. Alystan men mundalap shaqyratyn alyp shar 32 myń led jaryq lampasymen jumys isteıdi. Oǵan qosa, eki myńnan astam krıstalmen kómkerilgen. Nıý-Iorktiń basty alańyndaǵy jańa jyl alty saǵat boıy toılanady. Al kesh barysynda Krıstına Agılera, Sıara, Holzı syndy áıgili ártister óner kórsetedi. Al jańa jylǵa sanaýly sátter qalǵanda, ǵımarattyń ústindegi 40 meter bıiktikten alyp shar túsiriledi. Dástúrli jańajyldyq keshti merekelik alańda mıllıonǵa jýyq adam, al teledıdar arqyly tikeleı efırden 190 mıllıon kórermen tamashalaıtyn bolady.
