Nıý-Iorktiń burynǵy meri AQSh prezıdenttigine daýysqa túspek
ASTANA. QazAqparat - 2002-2013 jyldary Nıý-Iork meri bolǵan mıllıarder Maıkl Blýmberg AQSh prezıdenttigine óziniń kandıatýrasyn táýelsiz úmitker retinde usynbaq, dep habarlady Rosbalt CNN telearnasyna silteme jasap.
Eger respýblıkandyqtar atynan úmitker bolyp reıtıngisi barǵan saıyn ósip kele jatqan tanymal mıllıarder Donald Tramp, al demokrattardan eks-memlekettik hatshy jáne eks-prezıdenttiń áıeli Hılları Klınton túsetin bolsa, ol osyndaı sheshim qabyldamaqshy.
Blýmberg óziniń kómekshilerine Tramp men Klıntonǵa qarsy kúreste jeńiske úmiti qandaı ekenin bilý úshin qoǵamdyq pikir saýaldamasyn júrgizýdi tapsyrdy.
2008 jáne 2012 jyldary da Blýmbergtiń prezıdenttik dodaǵa qatysýy oıy bolǵan, alaıda daýysqa túsken joq.
