Nıý-Iorktiń 11 turǵynynan koronavırýs anyqtaldy

VAShINGTON. QazAqparat – Nıý-Iork qalasy koronavırýstyń taralýyna jol bermeýge barlyq kúshin jumyldyrýda, dep habarlaıdy Qazaqparat CNN-ge silteme jasap.

Nıý-Iork qalasynyń 11 turǵynynan koronavırýstyń jańa túri anyqtalǵan. Shtat úkimeti indetke shaldyqqandarmen baılanysta bolǵan 1000-ǵa jýyq adamǵa úıdegi karantınde otyrýǵa keńes berdi.

Sondaı-aq, Nıý-Iork mańynda ornalasqan Maýnt-Vernondaǵy barlyq mektepter 9 naýryzǵa deıin jabylatyny týraly habarlandy. Qyzmetkerleriniń birinen jańa koronavırýs anyqtalǵan Facebook kompanııasy Sıetldegi keńsesin japty.

Budan basqa, búgin Tehas jáne Nıý-Djersı shtattarynyń bıligi koronavırýsqa shaldyǵýdyń birinshi oqıǵalarynyń tirkelgenin rastady. Tehasta indetke shaldyqqan adam Hıýston mańyndaǵy Fort okrýginde anyqtaldy. 70 jastaǵy er adam buǵan deıin shetelge baryp kelgen. Qazirgi kezde ol aýrýhanada jatyr.

Nıý-Djersıde koronavırýs 30 jastaǵy er adamnan anyqtalǵan. 3 naýryz kúni ol Bergen okrýginde aýrýhanaǵa jatqyzyldy.

Qurama Shtattar jańa koronavırýsty juqtyrýdyń 158 oqıǵasy týraly habarlady. Sonyń ishinde 48 adam shetelge baryp kelgen soń aýyrdy: úsh adam qytaılyq Ýhanǵa barsa, 45 adam Japonııanyń Diamond Princess krýızdik laınerinen túsken. Aýrýǵa shaldyǵýdyń taǵy 110 oqıǵasy el aspaǵan azamattardan anyqtaldy.