Nıý-ıorktik taksıshi jolaýshy áıelge umyt qaldyrǵan 10 myń dollaryn qaıtaryp berdi
ASTANA. Qańtardyń 13-i. QazAqparat - Nıý-ıorktik taksıshi qolma-qol 10 myń dollaryn máshınede qaldyryp ketken jolaýshy áıeldi izdep taýyp jáne oǵan aqshasyn qaıtaryp berdi,
dep habarlaıdy QazAqparat Lenta.rý saıtyna silteme jasap.
Tegi bangladeshtik Mıkýl Asadýzzaman týystaryn Rojdestvomen quttyqtaý úshin Nıý-Iorkke kelgen ıtalıandyq egde tartqan áıeldi Pensılvan vokzalynyń janyna túsirip ketkennen keıin salonda jatqan aqshany kóredi.
Sol kúni keshke taksıshi umytshaq jolaýshyny alyp ketken Long-Aılendegi úıge eki ret aınalyp soǵady jáne nátıjesinde ony tabady. Jasy 72-degi Felıtsııa Letterı er adamnyń bul isinen qatty tolqıdy. Usynǵan syıaqysynan taksıshiniń bas tartýy muny aıryqsha tańǵaldyrady.
Asadýzzaman óziniń áreketin múldem tabıǵı jaǵdaı dep túsindiredi jáne áıeldi izdeýge jumsaǵan úsh saǵat ýaqyty úshin syılyq alǵysy kelmeıtinin málimdedi.
