Nıý-Iorktegi órt: 240 adam evakýatsııalandy, 21-i zardap shekti

NЬıÝ-IORK. QazAqparat - AQSh-tyń Nıý-Iork qalasyndaǵy turǵyn úıde bolǵan órt saldarynan kem degende 21 adam zardap shekti. Bul týraly QazAqparat Nıý-Iork qalasy órt sóndirý qyzmetiniń Instagram áleýmettik jelisindegi paraqshasyna silteme jasap habarlaıdy.

«Qazirgi kezde 90 otbasy evakýatsııalandy, bul shamamen 240 adam. Oqıǵa ornynda 350-den astam órt sóndirýshi men jedel járdem qyzmetkeri júr. Abyroı bolǵanda, kúrdeli jaraqat alǵandar joq, 21 patsıent, sonyń ishinde 16 órt sóndirýshi jaqyn mańdaǵy aýrýhanalarǵa jetkizildi»,, - delingen órt sóndirý qyzmetiniń málimetinde.

CNN telearnasynyń habarlaýynsha, órt oqıǵa Kýıns aýdanyndaǵy 150 páterlik úıde oryn alǵan. Úıdiń altynshy qabatynda bastalǵan órt jalyny joǵary qabattardy sharpyǵan.

Órttiń áli sóndirilmegeni atap ótilýde.