Nıý-Iorktegi atys: Bir adam ólip, 11-i jaralandy
NUR-SULTAN - NЬıÝ-IORK. QazAqparat - Senbi kúni jergilikti ýaqytpen túngi 11 shamasynda Nıý-Iorkte atys boldy dep xabarlaıdy QazAqparat The New York Post-qa silteme jasap.
Polıtsııanyń málimdeýinshe, Brýklındegi atys saldarynan 38 jastaǵy er adam qaza tapty. Taǵy 11 adam jaralanǵan.
Habarlarǵa qaraǵanda, Braýnsvıll demalys ortalyǵynda jyl saıyn ótetin dástúrli keshke qarýmen kirgen qaskóı sondaǵy adamdardy qyryp tastamaq bolǵan. Qylmysker áli ustalǵan joq.
«Búgin Braýnsvıll aýdanynda jan túrshigerlik atys boldy», – dep jazdy Nıý-Iork meri Bıll de Blazıo Twitter-degi paraqshasynda.
Aıta keteıik, atalǵan dástúrli keshtiń ótip jatqanyna bıyl 56 jyl bolǵan. Oǵan jyl saıyn myńdaǵan adam keledi.
