«Nıý-Iorkte joq, joq»: Erkeniń əni muhıttyń ar jaǵynda qalaı hıtke aınaldy
ASTANA. QazAqparat - Ánshi Erke Esmahannyń «Qaıda?» ániniń muhıt asyp, amerıkalyqtardyń kóńilin kótergen vıdeosy áleýmettik jelide taralyp ketti, dep habarlaıdy QazAqparat.
Vıdeony Erqanat Ábenı (Erqanat Əbeni) esimdi feısbýk qoldanýshysy óz paraqshasyna júktegen. Beınejazbadan shamamen Nıý-Iorktegi bir meıramhanada qyzmet etetin amerıkalyqtardyń «Qaıda?» ánine shalqyp bılep júrgenin kórýge bolady. Feısbýkte kórsetilgenindeı, beınejazba AQSh-ta túsirilgen. Kóńildi amerıkalyqtardyń biri tipti «Qara jorǵa» bıine basqan.
Aıta keterligi, Erke Esmahannyń «Qaıda?» áni YouTube jelisinde rekordtardyń birinen keıin birin baǵyndyryp keledi. Atap aıtqanda, osy jyldyń 9 maýsymynda jelige júktelgen klıpti 2 jarym aıdyń ishinde 20 mıllıonnan astam adam tamashalaǵan bolatyn. Al qazir atalǵan jelidegi klıptiń kórilimi 30 mıllıonnan asyp ketken.
