Nıý-Iorkte WTI munaıynyń baǵasy bir barrel úshin $49,21 deıin kóterildi
ASTANA. QazAqparat - WTI munaıy Nıý-Iork bırjasynda sársenbi kúni $1,7 (ósim 3,58%) qymbattady. Fıýchers kelisimsharttary mamyr aıynda bir barrel úshin $49,21 baǵasymen kelisilgen, dep habarlady TASS.
Kontınentaralyq London bırjasynda Brent qospasyn jetkizý boıynsha fıýchers kelisimderiniń mamyr aıyndaǵy kelisimsharttardyń baǵasy $1,37 ósip, bir barrel quny $56,48 deıin jetti.
Sarapshylar muny dollardyń qunsyzdanýymen túsindirdi.
Sondaı-aq, munaıdyń qymbattaýyna, mamandardyń pikirinshe, burǵylaý men AQSh munaı óndirisine quıylatyn ınvestıtsııa kóleminiń qysqarýy, Iemendegi jaǵdaıdyń ýshyǵýy AQSh-ta avtomobıl qozǵalysynyń kóbeıip, sáıkesinshe janar-jaǵar maıǵa degen suranystyń artýy da áser etti.
