Nıý-Iorkte vaktsına almaǵan muǵalimder tólemaqysyz demalysqa jiberiledi

NUR-SULTAN. QazAqparat - Nıý-Iorkte muǵalimder men basqa mektep qyzmetkerlerine COVID-19 vaktsınatsııasyn egý tapsyryldy, dep habarlaıdy Covid-19 taralýyna jol bermeý jónindegi VAK baspasóz qyzmeti.

Qala meriniń aıtýynsha, egilmegender aqy tólenbeıtin demalysqa jiberiledi. Jeńildikter tek densaýlyǵyna baılanysty vaktsınatsııalanbaıtyn adamdar úshin qoldanylýy múmkin.

Sıngapýrda 3 kúnde karantın talabyn buzǵan 180-nen astam adam anyqtaldy. Buǵan deıin eki adamnan asatyn topta tamaqtanýǵa tyıym salatyn shekteýler engizilgen bolatyn. Qaýipsizdik sharalaryn saqtamaǵandarǵa 1000 Sıngapýr dollaryna deıin aıyppul salynady (52 myń rýbl).

Taılandta mektep oqýshylaryn COVID-19-ǵa qarsy egý bastaldy. Bangkok qalalyq bıliginiń málimetinshe, 12-18 jas aralyǵyndaǵy orta mektep oqýshylarynyń 88%-y vaktsınatsııalaýǵa nıetti.