Nıý-Iorkte Ushaq qoný kezinde ushý-qoný jolaǵyn búldirdi
ASTANA. QazAqparat - Nıý-Iork qalasyndaǵy La Gýardıa áýejaıynda qonyp jatqan ushaq jolaqty búldirdi, dep habarlaıdy NBC telearnasy.
Ushý-qoný jolaǵynyń búlingenin ushýǵa daıyndalyp otyrǵan áýe kemelerdiń biriniń ushqyshy baıqady. Ol laınerdiń oń jaǵynda ushý-qoný jolaǵynyń birneshe beton synyqtary bar ekenin habarlaǵan.
Búlingen jolaq jóndeý úshin bir saǵatqa jabyldy. Ushaqtyń qonýy kezinde paıda bolǵan shuńqyrdyń uzyndyǵy eki metrge jýyq bolǵan.
Oqıǵa saldarynan áýejaıda bir ǵana ushý-qoný jolaǵy jumys istep turdy. Sóıtip kóptegen reıster bir saǵatqa deıingi ýaqytqa keshiktirildi.
