Nıý-Iorkte túrkitildes dıaspora ókilderi bas qosty

NЬıÝ-IORK. QazAqparat – AQSh-tyń Nıý-Iork qalasynda túrkitildes dıasporalar ókilderiniń arasynda dóńgelek ústel ótti. Іs-sharany Ázerbaıjan Respýblıkasy, Túrki keńesiniń Dıasporalyq memlekettik komıteti uıymdastyryp, oǵan Qazaqstan Respýblıkasy «Otandastar Qory» KEAQ jáne Dúnıejúzi qazaqtar qaýymdastyǵy delegatsııasy qatysty. Bul týraly QazAqparat «Otandastar qoryna» silteme jasap habarlaıdy.

Atap aıtqanda, sharaǵa Túrki Keńesi Bas hatshysynyń orynbasary G.Gozalov, «Otandastar Qory» KEAQ Birinshi vıtse-prezıdenti T.Adýov, Ázerbaıjan Respýblıkasynyń Dıasporamen jumys jónindegi memlekettik komıtet tóraǵasynyń birinshi orynbasary V.Gadjıev, Qyrǵyz Respýblıkasynyń Memlekettik kóshi-qon qyzmetiniń tóraǵasy B.Ibragımjanov, Qazaqstan Respýblıkasynyń Bas konsýly J.Abdrashov, Túrkııa Respýblıkasynyń Bas konsýly A.Aqtash jáne dıasporanyń ortalyq mekemeleriniń basqa da laýazymdy tulǵalary men AQSh-ta turatyn Túrki keńesine múshe memleketter dıasporalarynyń ókilderi qatysty.

Júzdesýde G.Gozalov qatysýshylarǵa Túrik keńesine múshe memleketter arasyndaǵy dıasporalardyń yntymaqtastyǵy týraly habardar etip, 2019-2020 jyldary iske asyrylýy tıis sharalar jaıynda esep berdi. Sonymen qatar Túrki keńesine múshe memleketter dıasporasy ortalyq mekemeleriniń laýazymdy tulǵalary shetelde turatyn óz

dıasporalarymen jumys týraly baıandama jasaldy. Al AQSh-ta turatyn Túrki keńesine múshe memleketter dıasporalary ókilderi óz qyzmeti týraly áńgimelep, turaqty yntymaqtastyqty nyǵaıtý jáne ózara úılestirý joldaryn talqylady.

Budan bólek, taraptar úılestirilgen, keshendi jáne turaqty is-qımyldardy qamtamasyz etý maqsatynda olardyń ortalyq dıaspora mekemeleri men dıasporalar ókilderi arasyndaǵy yntymaqtastyqty jalǵastyrýǵa kelisti. Sondaı-aq, Túrki keńesine múshe memleketter dıasporasynyń ortalyq mekemeleri túrkitildes dıaspora jastary úshin birlesken mádenı, bilim berý jáne sporttyq is-sharalar uıymdastyrýǵa ýaǵdalasty.

Dóńgelek ústelge qatysýshylar áıgili ázerbaıjan aqyny jáne Túrki mıstıkalyq aqyndarynyń biri Imadedın Nasımıdiń 650 jyldyǵyna arnalǵan Mılls teatryndaǵy kontsertti tamashalady.