Nıý-Iorkte turatyn qazaq polıtseı Shalqar Aqymǵalıevti eske alý úshin qaraly lenta taqty
NUR-SULTAN. QazAqparat - Nıý-Iorkte turatyn qazaq polıtseı Dımash Nııazov Atyraýda qyzdy qutqaram dep Jaıyq ózenine batyp ketken tártip saqshysy Shalqar Aqymǵalıevke degen qurmetin bildirý úshin tósbelgisine qaraly lenta taqty, dep habarlaıdy QazAqparat Dımash Nııazovtyń Instagramyna silteme jasap.
«Bul oqıǵa týraly kóp adam maǵan hat jazyp, pikirimdi surady. Keıbireýler «sýǵa sekirmes buryn oılanýy kerek edi» dep jatyr. Meniń aıtarym bireý ǵana: Shalqar - naǵyz batyr. Ol polıtsııada laıyqty azamattar eńbek etip júrgenin dáleldedi. Qazaqstannyń ishki ister mınıstrligine osyndaı batyrdy tárbıelep shyǵarǵany úshin myń alǵys. Biz, Nıý-Iork polıtsııasyndaǵylar marqumnyń otbasyna, dostary men qyzmettesterine qaıǵyryp, kóńil aıtamyz. Patrýl dástúri boıynsha biz qaza tapqan ofıtserge degen qurmetimizdi bildirý úshin ony jerlegenge deıin qaraly lenta taǵyp júrýimiz kerek. Shalqar Qazaqstanda kóz jumsa da, men onyń erligine bas ıip, marqumnyń týǵan kúnine deıin tósbelgime qaraly lenta taǵyp júrem dep sheshtim. Bul jańalyq bizdi eseńgiretip ketti, sondyqtan men onyń memorıaly úshin GoFundMe.som saıtynda qarajat jınaýdy bastadym», - dep jazady AQSh-tyq polıtseı.
Eske sala keteıik, qaıǵyly jaǵdaı 21 naýryz kúni keshkisin Atyraýdaǵy qalalyq kópirdiń mańynda bolǵan. Oqıǵa ornyna birinshi bolyp jetken patrýl polıtsııasynyń serjanty Shalqar Aqymǵalıev oılanbastan muzdaı sýǵa súńgip, ózine qol jumsaýǵa bekingen qyzdy qutqaryp qaldy. Alaıda, ózi sýǵa ketti. Erjúrek Shalqar 1 sáýir kúni 25 jasqa tolatyn edi.
