Nıý-Iorkte tótenshe jaǵdaı engizildi
NUR-SULTAN. QazAqparat - Nıý-Iorktegi bılik ókilderi Brýklındegi qyzylshanyń órshýine baılanysty seısenbi kúni tótenshe jaǵdaı engizilgendigin málimdep, halyqty, ásirese mektep jasyndaǵy balalar men jasóspirimderdi egý týraly sheshim qabyldady, dep habarlaıdy QazAqparat.
«Ekpeden bas tartqan jaǵdaıda 1 myń dollarǵa deıin aıyppul salynýy múmkin», - dedi qala meri Bıll de Blazıo AVS telearnasy tikeleı júrgizgen habar barysynda.
«Qyzylshaǵa baılanysty jaǵdaı tym qıyndap ketti», - dedi qala basshysy aýrýdyń taralý aımaǵy dep jarııalanǵan Ýılıamsbýrgte sóılegen sózinde. «Іndet áli de jalǵasýda. Osy aralyqta 300-ge jýyq oqıǵa tirkeldi, negizinen Býrklınde», - dep toqtalǵan de Blazıo 2017 jyly tutas megapolıs boıynsha mundaı eki jaǵdaı ǵana tirkelgenin atap ótti.
Densaýlyq saqtaý departamentiniń málimetinshe, 2018 jyldyń kúz aıynan bastap qyzylshamen aýyrǵan 285 adam tirkelgen. 21 naýqas aýrýhanaǵa jatqyzylǵan.
