Nıý-Iorkte sońǵy 65 jylda alǵash ret akýla adamǵa shabýyl jasady
NЬıÝ-IORK.QazAqparat - Nıý-Iork bıligi 65 jastaǵy áıelge akýla shabýyl jasaǵannan keıin tanymal Rockaway Beach jaǵajaıyn japty, dep habarlaıdy QazAqparat BBC-ge silteme jasap.
Qutqarýshylar zardap shekken áıeldi sýdan shyǵaryp, alǵashqy medıtsınalyq kómek kórsetti. Dárigerler áıeldiń jaǵdaıy aýyr, biraq turaqty ekenin aıtty. Akýla onyń jambasyn tereń tistep alǵan.
New York Times gazetiniń polıtsııa málimdemesine silteme jasap habarlaýynsha, shabýyl saldarynan áıel 9 kelige jýyq salmaq joǵaltqan.Akýlalardyń adamdarǵa shabýylyn qadaǵalaıtyn Global Shark Attack File veb-saıtynyń málimetine sáıkes, Nıý-Iorkte sońǵy ret 1958 jyly osyndaı oqıǵa bolǵan.
«Jábirlenýshi tolyq saýyǵyp ketedi dep úmittenemiz», - delingen qalalyq saıabaqtar bóliminiń habarlamasynda. — Bul oqıǵa úreı týdyrǵanymen, biz Nıý-Iork turǵyndaryna bul jaǵajaıda akýlalardyń adamǵa shabýyl jasaýy óte sırek kezdesetinin eske salǵymyz keledi».1837 jyldan beri Nıý-Iork shtatynda akýlalar adamǵa 20 ret shabýyl jasaǵan.
Nıý-Iork gýbernatory Ketı Hokýl jergilikti bılikke akýlalardy jaǵalaýǵa jaqyn jerden baqylaı alatyn qosymsha drondar berdi, bul qutqarýshylarǵa qajet bolǵan jaǵdaıda saqtyq sharalaryn qoldanýǵa múmkindik beredi.
Akýlalardyń sońǵy shabýylynan keıin qutqarý tikushaqtary teńiz jyrtqyshyn izdep, aýmaqty tintip shyqty, biraq eshteńe tappady.
Nıý-Iork qalasynyń órt sóndirýshileri men polıtsııasy izdeýdi jalǵastyrýda, biraq seısenbi kúni jaǵajaıda serfıng pen júzýge ruqsat berilmedi.
