Nıý-Iorkte saqal jabystyrý otasy suranysqa ıe bolyp otyr
ASTANA. QazAqparat - Nıý-Iorkte erler arasynda saqal jabystyrý otasyna suranys artyp otyr. Atalmysh ota quny 7-den 8,5 myń dollar aralyǵynda turady.
Plastıkalyq hırýrgterdiń aıtýynsha, qalada sońǵy aılarda saqal ósirýge kómek surap kelgender sany kóbeıgen.
«Tutynýshylar qoıý saqal ósirip, ózderinde er adamǵa tán batyldyq bolǵanyn qalaıdy», - deıdi Nıý-Iork pen Maıamı qalalarynda apta saıyn ota jasap júrgen dáriger Djefrı Epshteın.
Ol ota kezinde adamnyń denesindegi (mysaly, basynan nemese keýdesinen) shashty alyp, betine jabystyrady. Jańa saqal birkelki ósip, shamaly ýaqyttan soń qyrýǵa keledi. Ota shamamen 8 saǵatqa sozylady.
Jalpy, tutynýshylar kóbinese tanymal adamdardyń sýretin ákelip, solarǵa uqsaǵysy keletinin aıtady eken. Atap aıtqanda, amerıkalyqtardyń arasynda Djordj Klýnı, Raıan Goslıng, Bred Pıtt jáne Tom Sellekke uqsaǵysy keletinder kóp kezdesedi, dep jazady Rosbalt.
