Nıý-Iorkte myńǵa tarta jolaýshy mingen poıyz relsten shyǵyp ketti
ASTANA. QazAqparat - Nıý-Iorktegi Pensılvanskıı vokzalynda juma kúni myńǵa jýyq jolaýshyny ákele jatqan Amtrak poıyzy relsten shyǵyp ketip, NJ TRANSIT poıyzyna soqtyǵysty.
Bul týraly CBS New York telearnasy habarlady.
«Poıyzdyń relsten shyǵyp ketý oqıǵasy onyń stansadan aqyryndap shyǵyp bara jatqan kezinde, jergilikti ýaqyt boıynsha shamamen 9.00-de oryn aldy» delingen Amtrak kompanııasynyń habarlamasynda.
Telearnanyń málimetterine qaraǵanda, ol vokzalǵa kelgen 200 jolaýshysy bar kórshi NJ TRANSIT poıyzyn súzip ótken.Birneshe adamnyń azdap jaraqat alǵandyǵy habarlandy.
Qazirgi ýaqyta vokzaldaǵy qozǵalys toqtatylǵan.
Pensılvanskıı vokzaly Nıý Iorktegi iri halyqaralyq beket bolyp esepteledi. Munan kún saıyn 600 myń jolaýshy saparǵa attanady.
