Nıý-Iorkte munaı baǵasy 89 tsentke kóterildi
ASTANA. Tamyzdyń 26-sy. QazAqparat - Alty kúngi quldyraýdan keıin Nıý-Iork taýar bırjasyndaǵy saýda qorytyndysymen munaı baǵasy 89 tsentke kóterildi. Qazan aıynda jetkizip berýdiń kelisim-sharty jumys kúniniń sońynda 72,52 dollar/barrel boldy, dep jazady Vestı.Rý.
Taldaýshylardyń pikirine qaraǵanda, saýdaǵa qatysýshylar aldyńǵy kúngi jappaı quldyraýdan keıingi baǵamnyń qaıta óse bastaýy qor rynogyna jaǵymdy áser berýde. Sondaı-aq, sarapshylar ekonomıkadaǵy jaǵdaı ózgeriske ushyramasa, onda aldaǵy ýaqytta munaı baǵasy birtindep kóterile bastaıdy, dep esepteıdi.
Dow Jones ındeksi, saýda qorytyndysy boıynsha eldegi iskerliktiń jetekshi kórsetkishi 19,61 pýnktten (0,20%) 10.060,06 pýnktke deıin ósti. S&P-500 (AQSh rynogyndaǵy eń iri 500 kompanııany qosady) kún sońyna qaraı 3,46 pýnktke (0,33%) ósti. Joǵary tehnologııalyq fırmalardyń kópshiliginiń aktsııasyn biriktiretin NASDAQ elektrondyq bırjasynyń kompozıttik ındeksi 17,78 pýnktten 2.141,54 pýnktke deıin ósti. Qor rynogynyń kóterilýine aldymen tehnologııalyq sektor túrtki boldy.
