Nıý-Iorkte meshit qurylysyn qoldaýshylar men oǵan narazylardyń mıtıngteri ótti
ASTANA. Qyrkúıektiń 13-i. QazAqparat - Senbi kúni Nıý-Iork ortalyǵynda 2001 jyly qyrkúıektiń 11-inde lańkesterdiń shabýyldaryna nysana bolǵan egiz munaranyń ornynda meshittiń salynýyn qoldaýshylar men bul bastamaǵa narazylyq bildirýshilerdiń mıtıngteri ótti, dep habarlaıdy ITAR-TASS agenttigi.
2001 jyly bolǵan qaıǵyly oqıǵanyń toǵyz jyldyǵy kúni myńdaǵan adam ıslam mádenı ortalyǵynyń qurylysyn qoldaǵan urandar aıtyp, «nóldik deńgeı» (lańkestik orny) mańyna jınaldy. Jarqaǵazdardyń birine : «Islamǵa shabýyl - bul násilshildik!» degen jazý jazylǵan.
Al osy jerge jaqyn mańda bas qosqan taǵy bir top «Meshittiń salynýyna jol joq!» dep urandap, egiz munaraǵa jaqyn jerden ıslam ortalyǵynyń qurylysyna jol bermeýge úndedi.
Mundaı aktsııalar tek Nıý-Iorkte ǵana ótken joq.
