Nıý-Iorkte mektep oqýshylarynan 1,2 myń qarý tárkilendi
ASTANA. QazAqparat - Nıý-Iorkte mektep oqýshylarynan ótken oqý jylynda 1,2 myńnan astam qarý, sonyń ishinde toǵyz tapansha tárkilendi.
Bul týraly jeksenbi kúni New York Post gazeti habarlady. Qalanyń quqyq qorǵaý organdarynyń derek kózderine súıengen basylymnyń habarlaýynsha, tárkilengen qarýlardyń jartysynan astamy mektepke kirer jerde ornatylǵan metall detektordyń kómegimen alynǵan.
Kúzetshiler men polıtseıler balalardan kóbinese pyshaq tabady. Alaıda olardyń sómkelerinen keı jaǵdaılarda elektr shokerler pen pnevmatıkalyq tapanshalar da shyǵyp jatady. Ótken jyly mektepke qarý ákelgen oqýshynyń jasy nebári 10-da ǵana bolǵan. Al 2013 jyldyń qańtarynda Kvıns aýdanynda ekinshi synyp oqýshysy jartylaı avtomattyq tapanshamen kelgen.
