Nıý-Iorkte maımyl sheshegine qarsy jappaı vaktsınalaý pýnktteri ashyldy

VAShINGTON. QazAqparat – Nıý-Iorkte órship bara jatqan maımyl sheshegimen kúresý úshin úsh jappaı vaktsınalaý pýnkti ashyldy, dep habarlaıdy QazAqparat Breitbart News basylymyna silteme jasap.

Nıý-Iorktegi densaýlyq saqtaý komıssary Eshvın Vasan qala 500-ge jýyq adam juqtyrǵan osy vırýstyń taralýymen kúresip jatqanyn aıtty. Maımyl sheshegine qarsy jappaı vaktsınalaıtyn úsh pýnkt ashyldy, olarǵa tek aldyn-ala jazylyp qana barýǵa bolady.

Olar Kvıns avıatsııalyq orta mektebinde (buryn Manhetten avıatsııalyq mamandyqtar mektebi dep ataldy), Brýklındegi Býshvık orta mektebinde jáne Bronkstegi ǵylymdy tereńdetip oqytatyn orta mektepte ornalasqan.

Juma kúni qalalyq onlaın-portalda 9 myńnan astam vaktsına qoljetimdi boldy, biraq olar birneshe mınýt ishinde tolyǵymen brondaldy.

Densaýlyq saqtaý mınıstrligi osy aptada federaldy úkimetten 4 myńǵa jýyq qosymsha vaktsına dozasy keledi dep habarlady.

Foto: www.breitbart.com