Nıý-Iorkte kólik qozǵalysyna tyıym salyndy
ASTANA. QazAqparat - Nıý-Iorkte kólikterge jolda, týnnelde, kópirde júrýge tyıym salyndy, dep habarlaıdy Bı-Bı-Sı agenttigi.
Shtat gýbernatory Endrıý Kýomo osylaı málim etken.
Jolǵa shyǵýǵa tek jedel járdem men qutqarýshylar kóligine ruqsat beriledi.
Shtattyń ońtústigi men Long-Aılendte de osyndaı shekteý salyndy. Sondaı-aq turǵyndarǵa metro men temirjol arqyly júrýge de bolmaıdy. Buǵan deıin qalada avtobýstar qozǵalysy toqtatylǵan edi.
Qala meri Bılla de Blazıonyń aıtýynsha, osy talapty polıtsııa baqylaıdy. Kóshede júrgenderge tártip saqshylary dereý úıine qaıtýyn talap etedi. Eger talapty oryndaýdan bas tartqandar bolsa, olar qamaýǵa alynady.
Boljam boıynsha óńirge qalyńdyǵy 76 sm qar jaýýy kerek.
Qazirgi ýaqytta jol polıtsııasy 200 JKO tirkegen, olar 300 qarǵa batqan kólikti súırep shyǵarýǵa májbúr bolǵan.
AQSh-tyń 10 shtatynda tótenshe jaǵdaı jarııalanǵan.
Meteorologtar aýa raıynyń nasharlaýynan keletin shyǵyn kólemi 1 mlrd dollarǵa jetýi múmkin dep otyr.
