Nıý-Iorkte kólik qozǵalysyna salynǵan tyıym alynyp tastaldy
ASTANA. QazAqparat - AQSh-tyń shyǵys jaǵalaýynda túsken qalyń qar tazalanýda, mıllıondaǵan amerıkalyq qar basyp qalǵan úılerin arshyp jatyr.
Bı-Bı-Sı agenttiginiń habarlaýynsha, juma kúni keshten bastap senbi keshkilikke deıin qalyń túsken qar Vashıngton, Nıý-Iork jáne basqa da qalalarda qozǵalysty tolyq toqtatyp tastaǵan edi. Keı jerlerde qardyń qalyńdyǵy eki metrge jetti.
Nıý-Iorkte jeksenbi tańerteńnen bastap kólik qozǵalysyna tyıym salynǵan. Taıaý arada jergilikti bılik qoǵamdyq kóliktiń isin jandandyrmaq.
Alaıda el astanasy Vashıngtonda metro men áýejaılar áli de jabyq tur.
AQSh-tyń shyǵys jaǵalaýynda myńdaǵan áýe reısteri toqtatylǵan. Kóptegen áýe baǵdarlary dúısenbige sheıin bolmaıtyny habarlanǵan.
