Nıý-Iorkte qoldan jasalǵan bomba jarylýy múmkin
ASTANA. QazAqparat -Nıý-Iorktiń ortalyq aýdanyny Manhettendegi jarylys qoldan jasalǵan jarylǵysh zattyń detonatsııalanýy saldarynan oryn alýy múmkin, dep habarlady reseılik TASS.
Bul aqparat resmı túrde rastalmady. Sonymen qatar, bılik jarylysqa turmystyq gazdyń shyǵýy sebep boldy degen boljamdy alyp tastady.
BAQ jarylys bolýy yqtımal qoqys jáshiginiń sýretin taratty. SNN atap ótkendeı, jarylǵysh zaty sonyń ishinde qoılǵan bolýy múmkin.
Eske sala ketsek, Manhetten kóshesinde jarylys boldy. Ázirge onyń sebepteri belgisiz. Quqyq qorǵaý organdary qala turǵyndaryna qaýipti oramǵa barmaýyn surady. Jarylys bolǵan aýmaq qorshaýǵa alynyp, sol jerge jedel járdem qyzmeti men órt sóndirýshiler jiberildi.
ABC telearnasy qalalyq órt sóndirý basqarmasyndaǵy derekkózine silteme jasaı otyryp 15 adamnyń zardap shekkenin habarlaıdy. Al jergilikti PIX11 telearnasynyń málimetine júginsek, jarylys saldarynan 26 adam bolmashy ǵana jaraqat alǵan.
Áleýmettik jelige salynǵan sýretterden jarylys saldarynan sol mańdaǵy kólikterdiń terezeleri qıraǵanyn kórýge bolady.
