Nıý-Iorkte «Qazaq handyǵyna 550 jyl» fılmi kórsetildi (FOTO)

ASTANA. QazAqparat - Nıý-Iorkte Robert De Nıronyń «Tribeca Film» atalatyn bedeldi kınostýdııalarynyń birinde QR Mádenıet jáne sport mınıstrligi QR Bas konsýldyǵynyń járdemdesýimen rejısser Baqyt Qaıyrbekovtyń «Qazaq handyǵyna 550 jyl» 10 serııaly derekti fılminiń alǵashqy bólimin kórsetti.

Bul týraly QR SІM baspasóz qyzmetinen habarlady.

Fılm QR Prezıdenti Nursultan Nazarbaevtyń «Ǵasyrlar toǵysynda» atty kitaby negizinde jasalǵan. Kartınany kórsetý Qazaq handyǵy qurylýynyń 550-jyldyǵyn merekeleýge baılanystyryldy.

Fılmniń alǵashqy bólimi qypshaq jáne armıan mádenıetteriniń ózara tyǵyz qarym-qatynasynyń tarıhyna arnalǵan, onyń nátıjesi ortaq tildiń taralýy boldy. Fılmniń árbir serııasy 1465 jyly Qazaq handyǵy týyndaýynan bastap Táýelsiz Qazaqstanǵa deıingi qazaq halqy tarıhynyń jekelegen kezeńderi týraly baıandaıdy. Fılm Qazaqstannyń álemdegi tarıhı jáne geosaıası rólin jarqyn sıpatta jáne jan-jaqty ashyp kórsetedi. Kartınada shetelderde jumys istegen qazaqstandyq ǵalymdardyń, sondaı-aq halyqaralyq sarapshylar men tarıhshylardyń ǵylymı zertteýleriniń nátıjeleri kórinis tapqan.

Fılm aǵylshyn tilinde kórsetildi. Tusaýkeserge Qazaqstannyń BUU janyndaǵy Turaqty ókili Qaırat Ábdirahmanov, QR-dyń Bas konsýly Raýshan Esbolatova, sondaı-aq olardyń Nıý-Iorkte tirkelgen áriptesteri qatysty.

Sheteldik dıplomattar jáne sheteldik qonaqtarmen qatar atalǵan is-sharaǵa «Muse Films» kınostýdııasynyń prezıdenti Karl Klattsty, «Cinema Tropical» prezıdenti Karlos Gýtıeresty, «Seagull Films» stýdııasynyń negizin qalaýshy jáne prezıdenti All Verlotskıdi, «Kino Lorber» kınostýdııasynyń qoǵamdyq baılanystar jónindegi vıtse-prezıdenti, belgili kınosynshy Erık Kondy, Fılmderdi ilgeriletý jónindegi agenttiktiń negizin salýshy Sofı Glakty qosa alǵanda, AQSh kınoındýstrııasynyń ókilderi, sondaı-aq táýelsiz sarapshylar, ǵalymdar, AQSh-taǵy qazaq dıasporasynyń ókilderi qatysty.

Fılm amerıkandyq kórermenderdiń úlken qyzyǵýshylyǵyn týǵyzdy. Іs-sharaǵa qatysýshylar Nıý-Iorkte fılmdi tolyq kólemde kórsetý jalǵasatynyna úmit bildirdi.