Nıý-Iorkte qazaq ánderi shyrqaldy
ASTANA. QazAqparat - Nıý-Iorkte «West Park Music Festival» dástúrli mýzykalyq festıvali ótti, dep habarlaıdy «Habar 24».
Bıyl qatysýshylar arasynda «Nomadic Soul» atty jańa óner ujymy da bar. Bul - otandasymyz Berik Qulmamyrov qurǵan top.
Olar aıtýly sharaǵa alǵash ret qatysyp, áýezdi ánderimizdi oryndady. Bir ereksheligi, top músheleri - amerıkalyq pop-oryndaýshylar. Arasynda birde-bir qazaqstandyq bolmasa da, qazaqsha án shyrqaıdy.
Jetekshileri Berik Qulmamyrov óner ujymyn bul festıvalge arnaıy daıyndaǵan. Sóıtip shyǵarmashylyq turǵyda erekshe qyrynan tanyldy. Aıta keteıik, buǵan deıin otandasymyzdyń Amerıkada uly dala eline arnaǵan mýzykalyq jınaǵy jaryq kórgen bolatyn.
Beriktiń maqsaty - Qazaqstandaǵy zamanaýı án óndirisin álemge tanystyrý ári amerıkalyq naqyshqa uqsas tustaryn kórsetý. Aıta keteıik, qazaq qyzy jaıly jazylǵan «She is Kazakh girl» áni kópshilikke erekshe áser qaldyrdy. Ony oryndaǵan amerıkalyq boıjetken de kórermennniń ystyq yqylasyna bólendi. Top jaz shyǵa qazaq mýzykasynyń arnaıy kontsertin ótkizýdi josparlap otyr.
«Oǵan otandyq óner sheberleri qatysady», - deıdi joba jetekshisi.
