Nıý-Iorkte qaıta qalpyna keltirilgen Bostandyq músininiń saltanatty ashý rásimi ótedi
ASTANA. 27 qazan. QazAqparat - Amerıkadaǵy Bostandyq músini qaıta qalpyna keltirý jumystarynan keıin 28 qazanda ashylady.
1 jyl boıy qaıta qalpyna keltirý jumystary júrgizilgen tanymal músinniń saltanatty ashylýy Bostandyq aralynda ornatylǵan eskertkishtiń 126 jyldyǵyna oraı ótkiziledi.
Ony jóndeýge 30 mln. AQSh dollar jumsaldy. Esterińizge sala keteıik, eskertkish 1886 jyly 28 qazanda frantsýzdar tarapynan Amerıkadaǵy tóńkeristiń 100 jyldyǵyna oraı syıǵa tartylǵan bolatyn.
