Nıý-Iorkte qatty daýyl: 1500-den astam reıs bógeldi
ASTANA. QazAqparat - AQSh-tyń shyǵys jaǵalaýlaryndaǵy daýyl saldarynan Nıý-Iork áýejaılarynda reıster jappaı bógelip jatyr, dep habarlaıdy CBS News.
Agenttiktiń málimetterine qaraǵanda, iri megapolıstiń negizgi úsh áýejaıynda jalpy 1500-den astam reıs ushyrylmaǵan.
Qazirgi kezde áýejaılar ushaqtardy qabyldaý jáne ushyrý úshin ashyldy.
Nıý-Iork jáne Nıý-Djersı porttar basqarmasy taratqan málimetterge sáıkes, La-Gýardııa áýejaıynda 729 reıs, Kennedı áýejaıynda 547, al Nıýark Lıbertıde 509 baǵdar keıinge qaldyrylǵan.
