Nıý-Iorkte qalyńdyqtyń qurbylary toı aldynda qaza tapty
ASTANA. QazAqparat - Pıkap toı aldyndaǵy keshten kele jatqan qalyńdyqtyń qurbylary otyrǵan lımýzınge soǵyldy. Oqıǵa Nıý-Iork shtatynda oryn aldy.
Tórt qyz qaza tapty, ekeýi aýyr jaraqattandy, dep habarlady RIA Novostı.
Polıtsııa aqparatynsha, oqıǵa jergilikti ýaqytpen shamamen saǵat 18.00-de Katchog (Cutchogue) okrýginde bolǵan. Qyzdar otyrǵan lımýzın Long-Aılend aralyndaǵy keshten kele jatqan. Bılik derekteri boıynsha, ajal qushqandardyń ishinde Nıý-Iork qalasynyń turǵyndary bar. Pıkap júrgizýshisi mas kúıinde kólik basqarǵany úshin ustaldy.
