Nıý-Iorkte hot-dog jeýden bolǵan jarysta jańa rekordqa qol jetkizildi
ASTANA. 6 shilde. QazAqparat - Hot-dog jeý boıynsha chempıon Djoı Chesnat óz rekordyn jańartty. 10 mınýt ishinde ol arasyna shujyq salynyp daıyndalǵan 68 hot-dogty jep qoıǵan jáne bul kórsetkish 2011 jylǵy rekordtan 6 hot-dogqa kóp.
Onyń bas qarsylasy baıqaýda tek 52 hot-dog jep úlgergen. Bul týraly BAQ.kz jazady.
lenta.ru aqparaty boıynsha, hot-dog jeý boıynsha alty márte chempıon atanǵan San-Hose turǵynynyń jasy 28-de. Boıy 180 santımetr bolatyn onyń salmaǵy 95,2 keli eken. Baqylaýshylardyń pikirinshe, Chesnat uzaq ýaqyttan beri oǵan jeńis ákeletin erekshe tásildi qoldanady. Onyń basty qupııasy - baıqaýǵa qatysýshylar ýaqyt aıaqtalyp qalǵan sátte hot-dogty baıaý jese, chempıon, kerisinshe, jyldam jeı bastaıdy eken. Al áıelder arasynda Vırdjınııa shtatynyń Aleksandrııa qalasynyń 45 jastaǵy turǵyny, ótken jyly da chempıon atanǵan «Qara jesir» degen laqap atpen belgili Sonıa Tomas jeńiske jetti. Ol 10 mınýtta óz jasyna sáıkes keletindeı mólsherde hot-dog jep úlgeripti. Tomastyń boıy 164 santımetr bolǵanymen, salmaǵy nebári 45,3 keli kórinedi.
Aıta keteıik, AQSh-tyń Táýelsizdik kúninde, 4 shildede, osymen 97 jyl boıy Nıý-Iorkte hot-dog jeýden chempıonat uıymdastyrylady. Baıqaý jeńimpazyna 10 myń dollar kóleminde syıaqy usynylsa, ekinshi jáne úshinshi orynnan kóringender sáıkesinshe 5 myń jáne 2,5 myń dollardan alady.
