Nıý-Iorkte Golovkın men Gıldiń qatysýymen baspasóz máslıhaty ótti (FOTO)
ASTANA. QazAqparat - Nıý-Iorkte 26 shildege josparlanǵan jekpe-jek aldynda WBA nusqasy boıynsha orta salmaqtaǵy álem chempıony Gennadıı Golovkın men álemniń eks-chempıony Denıel Gıldiń qatysýymen baspasóz máslıhaty ótti, dep habarlady sk-sport.kz.
Avstralııalyq boksshynyń promoýteri Gerı Shoý tamasha urys bolatynyna ýáde berdi jáne Denıel qalypty, ol Gennadııdan qoryqpaıtynyn málimdedi. Sondaı-aq ol Golovkındi, onyń nokaýttaryn qurmetteıtinin aıtty, onyń aıtýynsha, Golovkın eshqashan bos sóılemeıdi jáne kez kelgen úmitkermen kez kelgen ýaqytta saıysqa daıyn.
«Bul men úshin tamasha jekpe-jek jáne meniń mansabymdaǵy mańyzdy kezeń. Ótken jyly Barkermen urysta qatelik jiberdim. Biraq ta men zalǵa kelip, tynbastan jattyqtym. Meniń ýaqytym keldi dep oılaımyn. Bul keshti asyǵa kútemin», - dedi Denıel Gıl.
«Men Denıeldi bilemin, ol tamasha boksshy ekenin bilemin. Meniń esimde, onyń kóptegen urystaryn kórdim. 26 shildede Madison Square Garden-de tamasha shoý bolady dep oılaımyn», - dedi Gennadıı Golovkın.
Eske sala keteıik, 2001 jyly Golovkın Gılmen áýesqoı rıngte kezdesip, sonda jeńiske jetken bolatyn.
