Nıý-Iorkte eresekterge arnalǵan balabaqsha ashyldy
ASTANA. QazAqparat - Jaqynda Nıý-Iork qalasynyń Brýklın aýdanynda basqalarǵa uqsamaıtyn balabaqsha ashyldy, oǵan tek kishkentaı ul-qyzdar ǵana emes, eresek adamdar da barýda, dep habarlaıdy TASS.
Balabaqshanyń negizin quraýshy áıeldiń aıtýynsha, adamdar munda ishterindegi balalyqty ýaqytsha syrtqa shyǵarý úshin keledi. Keıbireýleri ómirge kúrdeli kózqarasta bolýdy azaıtqysy kelse, endi bireýleri ózine senimdilikti arttyrǵysy keledi. Al keıbireýleri ýaqytty kóńildi ótkizý maqsatymen kelip turady.
Ázirge topta nebiri alty adam bar, olardyń arasynda zańger, programmashy jáne jazýshy bar. Aptasyna bir ret ótkiziletin sabaqtar kezinde «balalar» sýret salyp, oınaıdy, ermeksazdan músinder jasaıdy, keıbir kezderi ekskýrsııalarǵa da shyǵady. «Balabaqshada» dástúrli kúndizgi as pen uıqy saǵaty, sondaı-aq «balalar» tańdaýy boıynsha eki eresek adamdy ákelýi tıis ata-analar jınalysy da bar.
«Balabaqshaǵa» kelý baǵasynyń arzan emes ekenin atap ótý kerek. Qarjylyq múmkindikterine qaraı tárbıelenýshilerge 333-999 dollar aralyǵyndaǵy somany tóleý usynyldy.
