Nıý-Iorkte «egiz munaranyń» qaldyqtarynan keme quıyldy
ASTANA. Qarashanyń 3-i. QazAqparat - Nıý-Iork aılaǵyna «Nıý-Iork» dep atalǵan áskerı-desant kemesi keldi.
Ol kemeni jasaýǵa 2001 jyly lańkestiktiń saldarynan qulaǵan Dúnıejúzilik saýda ortalyǵynyń «egiz munarasynyń» qurylǵylarynan quıylǵan 7,5 tonna qurysh paıdalanylǵan. Bul týraly «Azattyq» radıosy habarlady.
Gýdzon ózenimen júzip kelip, kezinde «egiz munara» turǵan Tómengi Manhettenge aıaldaǵan kemeniń 20 zeńbiregi salıýt berdi. Kemeni qarsy alý úshin jaǵalaýǵa qala meri Maıkl Blýmderg pen qaza bolǵandardyń týystary keldi.
Desanttyq kemeniń uzyndyǵy - 225 metr, onda 800 teńiz jaıaý áskeri, tikushaqtar toby jáne tiginen kóteriletin ushaq ornalasa alady. Komandanyń 360 múshesiniń kópshiligi - nıý-ıorktyqtar. Keme Jańa Orleanda jasalǵan.
