Nıý-Iorkte Djohar Tsarnaevtyń apasy ustaldy
ASTANA. QazAqparat - Nıý-Iork polıtsııasy 2013 jylǵy sáýirde Boston marafonynda jarylysty uıymdastyrýǵa kúdikti Djohar Tsarnaevtyń apasy Alına Tsarnaevany ustady, dep habarlady Bı-Bı-Sı.
Polıtsııa aqparaty boıynsha, tutqynǵa alýǵa Tsarnaevanyń onyń kúıeýinen bala týyp alǵan áıelge jasaǵan qoqan-loqqysy sebep bolǵan.
Polıtsııa ókili, Tsarnaevanyń ol áıelmen sóıleskende «Mende saǵan kelip, bomba qoıatyn adamdar bar» degenin aıtqan.
Budan buryn polıtsııa ótken jylǵy qazan aıynda Tsarnaevany Bostondaǵy jarylys týraly isre qatysty kýáger retinde shaqyrǵan, alaıda ol tergeýge kómektesýden bas tartty.
Ótken aptada Djohar Tsarnaevtyń dosy Dıas Qadyrbaev óziniń isti tergeýge kedergi keltirýge aıypty ekenin moıyndady.
Shildede alqabıler soty Tsarnaevtyń taǵy bir dosy - Azamat Tájaıaqovty sot isine kedergi keltirgeni úshin aıypty dep tapty.
Bostonda 2013 jylǵy 15 sáýirdegi marafon máresindegi jarylysqa aıyptalyp otyrǵan 20 jastaǵy Djohar Tsarnaevtyń protsesine ázirlik júrip jatyr. Sot isi qarashanyń basyna belgilengen.
